Nachar hawa rayi seweblik Uyghur rayoni ichide qatnaydighan ayropilan béletlirining bahasi chüshürüldi

Muxbirimiz méhriban
2015-12-31
Share

Xitayning shinjang xewerler tori 31-dékabir küni, Uyghur aptonom rayoni ichide qatnaydighan ayropilan béletlirining yéngi yil mezgilidiki bahasi chüshürülüp, kariwatliq poyiz bélitidinmu töwen bahada sétiliwatqanliqini xewer qildi.

Xewerde déyilishiche, ürümchidin korligha qatnaydighan ayropilan bélitining eng töwen chéki 100 som, ürümchidin ghuljigha qatnaydighan ayropilan béliti 130 som, ürümchidin aqsugha qatnaydighan ayropilan béliti 190 somgha chüshürülgen.

Xewerde yene Uyghur aptonom rayoni ichide qatnaydighan ayropilan béletlirining 70% tin 90% ke qeder chüshürülgenliki, bélet bahasining bu qeder chüshüshige dölet ichi ayropilan qatnishidiki riqabet bolupmu, qish peslidiki nachar hawa rayi seweb bolghanliqi eskertilgen.

29- Dékabir élan qilin'ghan xitay xewerliride, bu yil qish peslide ürümchide tumanliq künler köpeygenliki, 2015-yili 14-dékabirdin 27-dékabirghiche ürümchide uda 14 kün is-tüteklik, tumanliq hawa rayi hadisisi körülgenliki, bezi künlerde bulghinish derijisi éghir bolghanliqi yézilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet