Наһәқ өлүмгә һөкүм қилинған моңғул яшниң ата - аниси төләм тәләп қилди

Мухбиримиз үмидвар
2014-12-31
Share


Хитай сот даирилири наһәқ өлүмгә һөкүм қилинған яш үчүн икки милйон сом төләм төләшни қарар қилди. Фирансийә агентлиқиниң хәвәр қилишичә, 1996 - йили, ички моңғул сот даирилири тәрипидин бир аялни булап, өлтүрүветиш җинайити билән әйиблинип, өлүм җазасиға һөкүм қилинип иҗра қилинған 18 яшлиқ моңғул яш хугҗилтуниң делоси йеқинда ениқлинип, униң наһәқ түрдә қарилинип, өлүмгә һөкүм қилинғанлиқи ашкариланған иди. Униң ата - анисиниң әрз қилиши вә төләм тәләп қилиши нәтиҗисидә, ички моңғул сот даирилири мәзкур дело үчүн 2милйон 59 миң сом төләм пули беришни қарар қилған. Бу америка доллириға сундурғанда 330 миң долларға тоғра келидикән.

Мәзкур наһәқ өлүмгә һөкүм қилиниш вәқәси хәлқара мәтбуатларниң кәң инкасини қозғиди шуниңдәк хитайдики халиғанчә җазалаш, қийнаш, наһәқ түрмә җазаси бериш, өлүмгә һөкүм қилиш қатарлиқ қилмишларниң еғирлиқи әсләп өтүлди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт