Уйғур елидики намратларни йөләш ишханиси мудири парихорлуқ билән сотланди

Мухбиримиз ирадә
2016-10-27
Share

26-Өктәбир күни уйғур аптоном районлуқ намратларни йөләш ишханиси мудири җав гомиң парихорлуқ җинайити билән сотланған.

Хәлқ гезити тори бу һәқтики хәвиридә, җав гомиңниң хизмәттики қулайлиқидин пайдилинип, намратларни йөләштики башламчи карханиларға ярдәм өсүмлүк қәрз пул бериш, йәрни һөддигә елиш, қурулуш тонуштуруш, хизмитини йөткәш, вәзиписини өстүрүш қатарлиқ җәһәтләрдә җәмий 5 милйон 393 миң 144 сом пул, мал пара алғанлиқини баян қилған.

Дәрвәқә, йәрликтин игиләнгән учурларда хитай һөкүмити күчәп тәшвиқ қиливатқан намратларни йөләш қурулуши вә әмин өй қурулушлириниң уйғур елидики чириклик әң еғир саһәләр икәнлики мәлум болған иди. Йеқинда уйғур елиниң мәлум йезисидики бир киши радиомизға қилған сөзидиму, юқиридин намратларни йөләш намида чүшкән мәбләғниң һәқиқий намратниң қолиға берип болғучә қатму-қат парихор әмәлдарларниң қолидин өтүп һечнемиси қалмайдиғанлиқини инкас қилған вә “илгири әмәлдарлар очуқ-ашкара йегән болса, һазир йошурун йәйду. Өзгириш болғини йоқ” дегән иди.

Ши җинпиңниң “чирикликкә қарши туруш” намидики күришидә нурғун әмәлдар җазаланмақта. Бирақ, көплигән хитай ишлири көзәткүчилири, хитайда чирикликниң пүткүл сиясий система өзгәрмигүчә йоқалмайдиғанлиқини, буниң пәқәт ши җинпиңниң сиясий рәқиблирини йоқитиш һәрикити икәнликини илгири сүриду.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт