Jins stolténbérg NATO döletlirini xitaygha tayinip qalmasliqqa agahlandurdi

Muxbirimiz erkin
2022.11.22
Share on WhatsApp
Share on WhatsApp

Shimaliy atlantik okyan ehde teshkilati, yeni NATO bash katipi jins stolténbérg 21-noyabir ispaniyede ötküzülgen NATO parlaméntlar birleshmisining yighinida NATO döletlirini xitaygha tayinip qalmasliqqa agahlandurghan. Jins stolténbérg, ittipaqdash döletlerning néfit we tebi'iy gaz teminatida rusiyege tayinip qalghanliqi, hazir uning énérgiyeni qoral qilip ishletkenliki, ittipdaqdashlarning teminlesh zenjirini köp xillashturup, yéshil énérgiyege yüzlinishining bixeterlik we kilimat özgirishi üchün yaxshi ehwal ikenlikini, lékin yéngi teminlesh yollirini échishta éhtiyat qilishni, bolupmu xitayning éhtiyat qilishni tekitligen.

Stolténbérg mundaq dégen: “Biz xitayning halqiliq ul eslihelerni, teminlesh zenjiri we muhim sana'et sahelirini kontrol qilish salmiqini ashuruwatqanliqini körduq. Xitayning az uchraydighan minéral maddiliri, jümlidin bizning téléfon, mashinilirimiz we herbiy eslihelirimizni öz ichige alghan hemme saheni qaplidi. Biz istibdat hakimiyetlerge bizning ajizliqimizni qollinip, bizge buzghunchiliq qilish pursiti bermeslikimiz kérek”.

Stolténbérgning éytishiche, “Shuning üchün bizning jem'iyitimiz we ul eslihelirimizning berdashliq bérish iqtidarini kücheytish bek muhim” iken. Jins stolténbérg bu sözlerni amérika dölet mudapi'e ministiri a'ustén liloyid 21-noyabir xitay dölet mudapi'e ministiri wéy féngxé bilen körüshüp, uninggha xitay herbiy ayropilanlirining hindi-tinch okyan rayonidiki “Barghanséri küchiyiwatqan xeterlik xahishliri” din endishe qiliwatqanliqini éytqan bir waqitta tekitligen.

Amérika dölet mudapi'e ministirliqining körsitishiche, a'ustén liloyd yene amérikining “Xelq'ara qanun yol qoyghan herqandaq jayda uchush, déngizda yürüsh we meshghulat élip bérishni dawamlashturidighanliqi”, shundaqla “Riqabetni mes'uliyetchanliq bilen bashqurush hem alaqe yollirini ochuq tutushning zörürlüki” ni éytqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.