Hökümet orginini partlatqusi barliqini bildürgen naxshichi tutup kétilgen

Béyjingliq bir naxshichi yazmisida xitayning bir hökümet orginini partlatqusi barliqini bildürgendin kéyin tutup kétilgen. Emma, uning qollighuchiliri mezkur tékistning peqet hökümetke bolghan naraziliqini ipadileshtin bashqa nerse emeslikini, naxshichining emeliyette bundaq qilmaydighanliqini bildürüshken.

Béyjingdiki pa'aliyetchi xu jiya naxshichi wu xongféyning “Chataq térish” jazasi bilen düshenbe küni tutup kétilgenlikini bildürgen.

Wu xongféy ötken hepte axiri özining mikrobologigha bir yazma yollap, xitay hökümitining öy bashqurush komitétini partlitiwétishni oylaydighanliqini bildürgen we mezkur komitétta ishleydighan barliq xadimlargha ghezipini bildürgen.

Gerche, u néme üchün shundaq yazghanliqini izahlimighan bolsimu, bezi közetküchiler bu yazmining nöwettiki xitay yashliridiki buxturumluq keypiyati ipadilen'genlikini bildürüshken.

Melum bolushiche, nöwette xitayda öy bahasi intayin yuqiri bolghachqa nurghunlighan yashlar öy élishqa qadir bolalmaydiken. Ular oy bahasini kontrol qilishta héchqandaq roli bolmighan hökümet oy bashqurush komitétidin intayin narazi iken.