Qazaqlar astana ayrodromini nazarbayéfning nami bilen ataydu

Muxbirimiz ümidwar
2017-06-25
Élxet
Pikir
Share
Print

Qazaqistanning paytexti astana shehiridiki astana xelq'ara ayrodromining "Nursultan nazarbayéf xelq'ara ayrodromi" dep atash qarar qilin'ghan bolup, perghane uchur torining yézishiche, yéqinda qazaqistan bash ministiri baqitjan saghinbayéf bu heqtiki mexsus qarargha imza qoyghan.

Bu ayrodromda yene yéngi xelq'araliq uchush-chüshüsh yoli échilghan bolup, bu yol yilda besh milyon adem üchün xizmet qilidiken, nöwette, astana xelq'ara ayrodromi kölimi chong ayrodromlarning birige aylandurulghan bolup eslide mezkur ayrodromni nursultan nazarbayéfning namida atash 2009-yili otturigha chiqqan. Axiri bu qarar emdi chiqirilghan.

Ottura asiya rehberlirining namini xelq'araliq ayrodromlargha qoyush yéngiliq emes, 2017-yili, 4-may küni tashkent xelq'ara ayrodromi merhum özbékistan prézidénti islam kerimofning nami bilen atalghan idi.

1989-Yilidin buyan qazaqistanni idare qiliwatqan nazarbayéfqa ilgiri -kéyin qazaqistan xelqining "El bashi" dégendek bir qatar sherep namliri bérilgen idi.

Toluq bet