Nazarbayéf: yawro-asiya iqtisadiy ittipaqi sowét ittipaqini tirildürüsh üchün emes

Muxbirimiz ümidwar
2018-01-07
Share

Qazaqistan prézidénti nursultan nazarbayéf "Yawro-asiya iqtisadiy ittipaqi" qurushning sowét ittipaqini "Qaytidin qurush" bilen héchqandaq munasiwiti yoqluqini tekitligen.

U, bu sözlirini özining yéngidin neshr qilghan "Musteqilliq érasi" namliq kitabida tekitligen. Ottura asiya xewerliri torida qeyt qilinishiche, nursultan nazarbayéf yawro-asiya iqtisadiy ittipaqini qurushning hergizmu sabiq sowét ittipaqini eslige keltürüsh emeslikini özining 2011-yilila tekitligenlikini eskertip, shu waqtida özining "Sowét ittipaqi héchqachan eslige keltürülmeydu we yaki tirildürülmeydu, bu peqet ötmüshning xam xiyali, guman we hayankeshliktin ibaret" dep körsetkenlikini otturigha qoyghan.

Yawro-asiya iqtisadiy ittipaqi rusiye prézidénti wladimir putin teripidin teshebbus qilin'ghan bolup, xelq'arada putinning teshebbusi bilen qurulghan mezkur "Ittipaq" ni sowét ittipaqini eslige keltürüsh we yaki sowét ittipaqidin ayrilip chiqqan bir qisim jumhuriyetler, jümlidin ottura asiya jumhuriyetliri qaytidin yéngiche shekilde rusiyening rehberlikidiki bir siyasiy-iqtisadiy ittipaqqa toplash deydighan türlük qarashlar dawamlashmaqta idi. 

Yawro-asiya iqtisadiy ittipaqi 2015-yili 1-yanwardin étibaren ishqa kirishken bolup, rusiye, erméniye, bélarusiye, qazaqistan, qirghizistan qatarliq döletler uning ezasidur. Nöwette, bu ittipaq birlikke kelgen tebi'iy gaz we ortaq néfit baziri qurmaqchi bolup, ötken hepte bu mesililer muzakire qilin'ghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet