Uyghur diyarida yéqinqi 3 yilda 3700 din artuq memuri dawa nazaret délosi bir terep qilin'ghan

Muxbirimiz erkin
2022.07.25
Share on WhatsApp
Share on WhatsApp

Xitayning Uyghurlar diyaridiki memuri teptish da'iriliri yéqinqi 3 yil ichide 3700 din artuq her xil memuri dawani nazaret qilish délosini bir terep qilghan. “Shinjang géziti” ning ashkarilishiche, bu memuri dawa nazaret qilish délolirining 1197 si memuriy sotchilarning qanun'gha xilapliq qilish nazaret délosi, 2122 si memuriy ijra qilishni nazaret qilish délosigha munasiwetlik iken. Uyghur aptonom rayonluq hökümetning axbarat ‍ishxanisi 22-iyul küni axbarat yighinida, rayonda memuri teptish tarmaqliri qurulghan 3 yildin béri, jem'iy 3720 memuri dawani nazaret qilish délosini bir terep qilghanliqini éytqan.

Xitay hökümiti 2017-yili bashlan'ghan chong tutqundin kéyin, Uyghur élidiki teptish organliridimu chong tertipke sélish élip bérip, 2019-yili memuriy teptish mehkimilirini qurghan. Bu memuriy teptish mehkimiliri rayondiki edliye, sot we bashqa memuri ijra'at organlirining herikitini nazaret qilishqa bashlighanidi. “Shinjang géziti” ning éytishiche, memuri teptish organlirining dawani bir terep qilish nisbiti intayin yuqiri bolup, hökümni nazaret qilish, ijra qilishni nazaret qilish we tekliplerni qobul qilish nisbiti 99 pirsentke yetken. Lékin xewerde, bu délolarning konkrét tepsilati toghriliq héchqandaq uchur bérilmigen.

Xitay edliye tarmaqlirining, bolupmu uning Uyghurlar rayondiki edliye tarmaqlirining délo bir terep qilish sür'iti we nisbiti izchil kishilik hoquq teshkilatlirini endishige sélip kelgen mesililerning biri bolghan. Ular bu xil tézlik we nisbette bir terep qilin'ghan délolarda éghir naheqchilik yaki qanunsizliq yüz béridighanliqini agahlandurup kelgen. “Shinjang géziti” ning éytishiche, rayondiki teptish organliri bu yil 3-aydin bashlap memuriy teptish we nazaret xizmitini rayonning tebi'iy bayliq, emgek we jama'et xewpsizlik organlirining qanun ijra qilish sahesige qaratqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.