Xitay néfitchilik guruhi tarim oymanliqining shimaliy qismidin ghayet zor néfit zapisi bayqighanliqini élan qilghan

29 - Awghust küni xitay néfitchilik guruhi bayanat élan qilip, tarim oymanliqining gherbiy shimaliy qismidin ghayet zor néfit zapisi bayqighanliqini élan qilghan.

Xelq torining bu heqtiki mexsus xewirige qarighanda mezkur néfitlik “13 - Besh yil” mezgilide 150 milyon tonna néfit ishlepchiqiralaydighan bazigha aylandurulidiken.

Xitay hökümiti tarim oymanliqining gherbiy shimali qismidiki ghayet zor néfitlikke “Shünbéy néfitliki” dep xitayche nam qoyghan bolup, hazirqi mölcherde uning bayliq zapisi bir milyard 700 milyon tonnigha yétidiken. Uning ichide xam néfit zapisi 1 milyard 200 milyon tonna, tebi'iy gaz zapisi 500 milyon kupmétir iken.

Igilinishiche, mezkur néfitliktin ishlepchiqiriliwatqan hazirqi kündilik néfit miqdari 185 tonna, tebi'iy gaz miqdari 90 ming küpmétir bolup, u, xitaydiki mehsulat süpiti eng yuqiri néfitliklerning biri hésablinidiken.

Xitay hökümet taratquliri bu yilning béshida xewer bérip, tarim oymanliqidin qéziliwatqan tebi'iy gazning xitay ölke, sheherliridiki 400 milyondin köprek ahalining yéqilghu mesilisini hel qilghanliqini bildürgen idi. Közetküchiler, xitay hökümitining Uyghur élidiki yer asti bayliqlirini qézish miqdarini shiddet bilen ashuruwatqanliqini, yötkesh sür'itini ilgirikidin nechche hesse tézleshtürgenlikini ilgiri sürmekte.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar