Nayki bilen kokakolaning “Uyghur mejburiy emgekini cheklesh qanuni” gha qarshi heriket qilghanliqi ilgiri sürülmekte

Nayki bilen kokakola shirkitining dellalarni yallap, amérika dölet mejliside “Uyghur mejburiy emgikini cheklesh qanuni” gha qarshi pa'aliyet qilghanliqi ilgiri sürüldi. “Nyu-york waqti géziti” ning ashkarlishiche, amérika dölet mejlisidiki xadimlar, weziyettin xewerdar zatlar we alaqidar höjjetler bu ikki shirketning dellallarni yallap, amérika dölet mejliside bu qanunining maqullinishigha qarshi pa'aliyet qilqanliqi, bu qanunni ajizlashturush üchün heriket qiliwatqanliqini körsitip bergen.

Mezkur qanun layihesi bu yil 9-ayda amérika awam palatasida 3 ke qarshi 406 awaz bilen maqullan'ghan. Nöwette bu qanun layihesi kéngesh palatasining maqullishini kütüp turghan idi. Lékin “Nyu-york waqti géziti” ning bildürüshiche, bu qanun layihesi nayki we koka-koladek chong shirketler, amérika tijaret uyushmisidek soda guruppilirining xrisigha duch kelgen. Buning aldida “Washin'gton pochtisi” alma shirkitining bu qanun'gha qarshi pa'aliyet qilghanliqini xewer qilghan. Bu xewer kishilik hoquq aktiplirining diqqitini qozghighan. 28-Noyabir gollandiyelik yash aktiplar alma shirkitining améstérdam shehridiki bir dukini aldida namayish qilghan.

“Nyu-york waqti géziti” ning tekitlishiche, kokakola shirkiti özlirining teminat zenjiride herqandaq shekildiki mejburiy emgekni chekleydighanliqi, 2019-yili shinjang tunxédiki teminat zenjirining “Muweppiqiyetlik tekshürülgenliki” ni ilgiri sürgen. Nayki shirkiti bolsa özlirining “Uyghur mejburiy emgikini cheklesh qanuni” gha qarshi heriket qilghanliqini ret qilip, dölet mejlisidiki xadimlar bilen mejburi emgekning aldini élish, kishilik hoquqni qoghdash toghrisida “Ijabi muzakire” élip barghanliqini bildürgen.