Bu yilliq nobél tinchliq mukapati yadro qorallirigha qarshi bir teshkilatqa bérildi

Muxbirimiz erkin
2017-10-06
Share

Norwégiye nobél komitéti bügün 2017‏-yilliq nobél tinchliq mukapatining yadro qorallirigha qarshi turushni nishan qilghan bir xelq'araliq teshkilatqa bérilgenlikini élan qildi. Bu yilliq nobél tinchliq mukapatining xelq'arada anche nami chiqmighan bir organ'gha bérilishi kishilerning oylimighan yéridin chiqqan.

Roytérs agéntliqining xewer qilishiche, bu yilliq mukapatning "Xelq'ara yadro qorallirini bikar qilish herikiti" namliq bu organ'gha bérilishi, dunyada yadro urush tehditining küchiyiwatqanliqi we yadro qorallirining shimaliy koréyege kéngiyishige qarita bérilgen bir agahlandurush iken.

"Xelq'ara yadro qorallarni bikar qilish herikiti" 2007‏-yili awstriye paytexti wéanada qurulghan ammiwi teshkilat bolup, u dunyadiki 100 din artuq dölette yiltiz tartqan bir xelq'ara birleshme iken.

Norwégiye nobél komitétining rehbiri bérit ré'is andérson bügün élan qilghan bayanatida, "Biz yadro qorallirining ishlitilish xewpi téximu kücheygen bir dunyada yawatimiz. Bezi döletler özining yadro qorallirini ilgharlashturiwatidu. Yer sharida shimaliy koréyege oxshash téximu köp döletler yadro qorallirigha érishishke urunushtek bir ré'al tehdit mewjut," dégen.

"Xelq'ara yadro qorallirini bikar qilish herikiti" ning diréktori bétris fin bügün roytérs agéntliqigha bergen bayanatida, "Yadro tehditi sélish, yadro qorallirigha ige bolush, uninggha érishish we uni tereqqiy qildurush qanunsizliqtur, " dégen.

Bu mukapat shimaliy koréye arqa-arqidin yadro sinaqlirini élip bérip, amérika bilen yadro toqunushi peyda qilghan shundaqla amérika hökümiti 2015‏-yili iran bilen imzalighan yadro kélishimini bikar qilidighanliqigha da'ir xewerler tarqalghan mezgilde mezkur organ'gha bérildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet