Хоңкоңдики бир түркүм аһалиләр нобел саһиби лю шавбониң 60 яшқа киргәнликини тәбриклиди

Мухбиримиз шөһрәт һошур
2015-12-28
Share

28-Декабир күни түрмидики сиясий өктичи, нобел саһиби лю шавбониң 60 яшқа киргән күни болуп, бу мунасивәт билән хоңкоңдики вәтәнпәрвәр демократлар бирләшмиси лю шавбониң 60 яшқа толғанлиқ туғулған күн хатирисини өткүзгән.

Хатириләш паалийити нәччә онлиған кишиниң қетилиши билән хоңкоңдики тоңлуән дәвр мәйданида өткүзүлгән. Америка авази радиосиниң бүгүнки бу һәқтики хәвиридә баян қилишичә, паалийәткә қатнашқучилар лю шавбо үчүн туғулған күн нахшисини вә мәхсус лю шавбониң кишилик һоқуқ үчүн төлигән бәдилини мәдһийиләп өзлири иҗат қилған нахшини ейтқан.

Паалийәт давамида "лю шавбо қоюп берилсун" дегән шоар тохтимай давам қилған. Паалийәтчиләр ахбарат баянатида лю шавбо вә аилисиниң хитай даирилириниң зораванлиқиға изчил һалда йолуқуп келиватқанлиқини, әмма кишилик һоқуқ паалийәтчилириниң лю шавбони қоллаш паалийитиниңму тохтимайдиғанлиқини билдүргән.

Баянатта йәнә, бу тәбрикләш паалийитиниң мәқсити нөвәттә хитайдики бир партийә диктатор түзүминиң зиянкәшликигә учриған барлиқ кишиләр үчүн әркинлик тәләп қилиш икәнлики әскәртилгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт