Нур бәкри лиявниң өлкисидә сотланған

Мухбиримиз ирадә
2019-07-25
Share

Хитай дөләтлик тәрәққият-ислаһат комитетиниң сабиқ муавин мудири, хитай дөләтлик енергийә идарисиниң сабиқ башлиқи вә уйғур аптоном райониниң сабиқ рәиси нур бәкри үстидин сот ечилди.

Хитайниң һәрқайси һөкүмәт таратқулири тәрипидин тарқитилған учурларға қариғанда, нур бәкриниң соти 25-июл күни лиявниң өлкиси шеняң шәһәрлик оттура сот мәһкимисидә ечилған. Бүгүнки сотта нур бәкриниң 1998-йили үрүмчи шәһириниң башлиқи болғандин таки 2018-йили хитай дөләтлик енергийә идарисиниң башлиқи болғанға қәдәр 20 йиллиқ җәрянда 79 милйон йүән, йәни 11 милйон доллардин артуқ пара йегәнлики илгири сүрүлгән. Хәвәрдә йәнә униң «гунаһини» бойниға алғанлиқи илгири сүрүлгән.

Бу йил 57 яшқа киргән нур бәкри 2018‏-йили 20‏-сентәбир күни русийәдики рәсмий зияритини ахирлаштуруп, хитайға қайтқинида бейҗиң айродромида тутқун қилинған.

Хитай мәркизи интизам тәкшүрүш вә ревизийә комитети нур бәкри тутқун қилинип, аридин 6 ай өткәндин кейин, йәни2019-йили 16‏-март күни тунҗи қетим хәвәр елан қилип, нур бәкриниң партийә интизамиға еғир дәриҗидә хилаплиқ қилиш гумани билән тәптиш органлириниң бир тәрәп қилишиға тапшуруп берилгәнликини җакарлиған иди.

Нур бәкриниң тутқун қилиниши муһаҗирәттики уйғурларда қаттиқ ғулғула қозғиди. Чүнки у уйғур юқири қатлам әмәлдарлири ичидә хитай һөкүмити үчүн әң актип хизмәт қилған әмәлдар дәп қарилип кәлгән иди. Чәтәлләрдики бир қисим таратқулар нур бәкриниң тутқун қилинишиниң уйғур аптоном районлуқ маарип назарити түзгән уйғур оттура мәктәплириниң «әдәбият» дәрслики билән мунасивәтлик икәнликини илгири сүрүшмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт