Nur bekri liyawning ölkiside sotlan'ghan

Muxbirimiz irade
2019-07-25
Share

Xitay döletlik tereqqiyat-islahat komitétining sabiq mu'awin mudiri, xitay döletlik énérgiye idarisining sabiq bashliqi we Uyghur aptonom rayonining sabiq re'isi nur bekri üstidin sot échildi.

Xitayning herqaysi hökümet taratquliri teripidin tarqitilghan uchurlargha qarighanda, nur bekrining soti 25-iyul küni liyawning ölkisi shényang sheherlik ottura sot mehkimiside échilghan. Bügünki sotta nur bekrining 1998-yili ürümchi shehirining bashliqi bolghandin taki 2018-yili xitay döletlik énérgiye idarisining bashliqi bolghan'gha qeder 20 yilliq jeryanda 79 milyon yüen, yeni 11 milyon dollardin artuq para yégenliki ilgiri sürülgen. Xewerde yene uning "Gunahini" boynigha alghanliqi ilgiri sürülgen.

Bu yil 57 yashqa kirgen nur bekri 2018‏-yili 20‏-séntebir küni rusiyediki resmiy ziyaritini axirlashturup, xitaygha qaytqinida béyjing ayrodromida tutqun qilin'ghan.

Xitay merkizi intizam tekshürüsh we réwiziye komitéti nur bekri tutqun qilinip, aridin 6 ay ötkendin kéyin, yeni2019-yili 16‏-mart küni tunji qétim xewer élan qilip, nur bekrining partiye intizamigha éghir derijide xilapliq qilish gumani bilen teptish organlirining bir terep qilishigha tapshurup bérilgenlikini jakarlighan idi.

Nur bekrining tutqun qilinishi muhajirettiki Uyghurlarda qattiq ghulghula qozghidi. Chünki u Uyghur yuqiri qatlam emeldarliri ichide xitay hökümiti üchün eng aktip xizmet qilghan emeldar dep qarilip kelgen idi. Chet'ellerdiki bir qisim taratqular nur bekrining tutqun qilinishining Uyghur aptonom rayonluq ma'arip nazariti tüzgen Uyghur ottura mekteplirining "Edebiyat" dersliki bilen munasiwetlik ikenlikini ilgiri sürüshmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.