Мәрһум язғучи нурмуһәммәд тохти “кишилик һоқуқ һимайичилири хатириси” гә киргүзүлди

Мухбиримиз әзиз
2019-07-18
Share

Хитай һөкүмитиниң лагериға қамалғандин кейин җан үзгән мунәввәр язғучи нурмуһәммәд тохтиниң нами йеқинда “кишилик һоқуқ һимайичилири хатириси” гә киргүзүлди.

Нурмуһәммәд тохти һәққидики чүшәндүрүштә униң һаят кәчүрмишлири вә әдәбий иҗадийәт һаяти, униң әдәбият арқилиқ уйғурларниң кишилик һоқуқ саһәсидики еғир мәсилиләрни, җүмлидин тәңсизлик, намратлиқ, йетимләр мәсилиси, аяллар мәсилиси қатарлиқларни көрситип бәргәнлики, шундақла мушу сәвәбтин лагерға елип кетилгәнлики, ахирида җан үзгәнлики баян қилиниду.

Мәлум болушичә, “кишилик һоқуқ һимайичилири хатириси” тәшкилати асия, африқа вә латин америкиси қитәлиридә кишилик һоқуқ саһәси бойичә хизмәт қилидиған дуняви тәшкилат икән. Хитай һөкүмити йеқинда нурмуһәммәд тохтиниң өлүми һәққидики мәлуматларни инкар қилип, униң һечқачан лагерға елип берилмиғанлиқини, шундақла униң һечқандақ паракәндичиликкә учримиғанлиқи һәққидә сөз қилғаниди. Радийомиз мухбирлири игилигән әһваллар болса хитай һөкүмитиниң ейтқанлириниң пүтүнләй ялған икәнликини испатлиған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт