جەسۇر ئەرزدار نۇرۇنگۈل توختىنىڭ 3-قېتىم قاماقتا ئىكەنلىكى بايقالماقتا

مۇخبىرىمىز شۆھرەت ھوشۇر
2015-01-21
Share

يەتتە ياشلىق بالىسىنى ئېلىپ قاچقان خىتاي قاراقچى ۋە ئۆزىنى قانۇنسىز تۇتقۇن قىلغان ئۇچتۇرپان ساقچىلىرى ئۈستىدە ئەرز قىلىۋاتقان ئەرزدار نۇرۇنگۈل توختىنىڭ نۆۋەتتە 3-قېتىم قاماقتا ئىكەنلىكى بايقالماقتا.

نۇرۇنگۈل توختى قانۇنسىز ئەرز قىلىش بىلەن ئەيىبلىنىپ، 2010-يىلى 40 كۈن، 2013- ۋە 2014-يىللىرى 14 ئاي قاماقتا ياتقان ئىدى. ئۇ بۇلتۇر قويۇۋېتىلگەندە ئەرزنى توختىتىشقا ۋە ئۇچتۇرپاندىن سىرتقا چىقماسلىققا بۇيرۇلغان. ئەمما ئۇ تىرىكچىلىك ۋە بالىسىنى ئوقۇتۇش ئېھتىياجى بىلەن بۇلتۇر 3-ئايدا ئۈرۈمچىگە يۆتكەلگەن. بىر مەھەل مەلۇم بىر تېز تاماقخانىدا ئىشلىگەن نۇرۇنگۈل توختى بىر يۇرتدىشىنىڭ تونۇشتۇرۇشى بىلەن بۇلتۇر 5-ئايدا ئۇيغۇر ئاپتونوم رايونلۇق ھۆكۈمەتنىڭ ئەمەلدارلار تاماقخانىسىدا ئىشقا چۈشكەن.

ئۇ مەزكۇر ئاشخانىدا ئىشقا چۈشۈپ ئىككى ھەپتىدىن كېيىن دوستلىرى بىلەن ئالاقىسى ئۈزۈلگەن ۋە تېلېفونى توختىغان. مۇخبىرىمىز ئىز-دېرىكىنى ئېلىش ئۈچۈن نۇرۇنگۈل توختىنىڭ تاۋابىئاتىغا تېلېفون قىلغىنىدا ھېچقانداق جاۋابقا ئېرىشەلمىگەن ۋە قارشى تەرەپ تېلېفوننى ئەنسىز ھالدا قويۇۋەتكەن. نۇرۇنگۈلنىڭ تېلېفونى توختىغان ۋە دوستلىرى بىلەن ئالاقىسى ئۈزۈلگەن كۈن 5-ئاينىڭ ئاخىرقى كۈنلىرى بولۇپ، بۇ ئەھۋال ئۇنىڭ، 22-ماي ئەتىگەنلىك بازار ھۇجۇمىدىن كېيىن ئۇيغۇر رايونىدا داۋام قىلغان قاتتىق زەربە بېرىش دولقۇنىدا تۇتقۇن قىلىنغانلىق ئېھتىماللىقىنى ئوتتۇرىغا چىقارماقتا.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت