Америка президенти обама билән русийә президенти путин көрүшти

Мухбиримиз үмидвар
2016-11-20
Share


Америка президенти обама билән русийә президенти путин перуниң пайтәхти лиме шәһиридә өткүзүлгән асия-тинч окян иқтисадий һәмкарлиқ тәшкилатиниң йиғини җәрянида учришип қисқа вақит сөзләшкән.

Америка авазиниң ақ сарай баянатидин нәқил елишичә, бу, икки дөләт президентиниң америкидики президент сайлимида доналд трамп ғәлибә қилғандин кейинки тунҗи қетимлиқ учришиши болуп һесаблиниду.

Икки президент сүрийә вә украина мәсилилиридә қисқа пикир алмаштурған болуп,б б с агентлиқиниң хәвәр қилишичә, обама билән путин қол елишип көрүшкән. Ақсарайниң билдүрүшичә, президент обама путинни украина мәсилисигә аит вәдисидә турушқа чақирған вә америка қошма штатлири һәм униң һәмкарчилириниң украинаниң игилик һоқуқи позитсийисидә чиң туридиғанлиқини тәкитлигән.

Мәлумки, русийә қиримни игиләп, украина киризиси келип чиққандин буян америка билән русийә мунасивәтлири соғуқлашқан иди.

Мәтбуат учурлиридин мәлум болушичә, америка дөләт ишлири министири җон керри билән русийә ташқи ишлар министири сергей лавров сүрийә мәсилисидә давамлиқ учришиш өткүзидикән.

Перудики йиғин җәрянида президент обама башчилиқидики америка вәкилләр өмики билән ши җинпиң башчилиқидки хитай вәкилләр өмики учришиш өткүзүп, икки дөләт һәмкарлиқлири һәққидә пикир алмаштурған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт