Amérika prézidénti obama bilen rusiye prézidénti putin körüshti

Muxbirimiz ümidwar
2016-11-20
Share


Amérika prézidénti obama bilen rusiye prézidénti putin péruning paytexti limé shehiride ötküzülgen asiya-tinch okyan iqtisadiy hemkarliq teshkilatining yighini jeryanida uchriship qisqa waqit sözleshken.

Amérika awazining aq saray bayanatidin neqil élishiche, bu, ikki dölet prézidéntining amérikidiki prézidént saylimida donald tramp ghelibe qilghandin kéyinki tunji qétimliq uchrishishi bolup hésablinidu.

Ikki prézidént süriye we ukra'ina mesililiride qisqa pikir almashturghan bolup,b b s agéntliqining xewer qilishiche, obama bilen putin qol éliship körüshken. Aqsarayning bildürüshiche, prézidént obama putinni ukra'ina mesilisige a'it wediside turushqa chaqirghan we amérika qoshma shtatliri hem uning hemkarchilirining ukra'inaning igilik hoquqi pozitsiyiside ching turidighanliqini tekitligen.

Melumki, rusiye qirimni igilep, ukra'ina kirizisi kélip chiqqandin buyan amérika bilen rusiye munasiwetliri soghuqlashqan idi.

Metbu'at uchurliridin melum bolushiche, amérika dölet ishliri ministiri jon kérri bilen rusiye tashqi ishlar ministiri sérgéy lawrow süriye mesiliside dawamliq uchrishish ötküzidiken.

Pérudiki yighin jeryanida prézidént obama bashchiliqidiki amérika wekiller ömiki bilen shi jinping bashchiliqidki xitay wekiller ömiki uchrishish ötküzüp, ikki dölet hemkarliqliri heqqide pikir almashturghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet