Obama süriyege eske ewetishni testiqlidi

Aqsaray jüme künidiki bayanatida, amérikining süriyege alahide qisim eskerlirini yötkep, bu dölettiki qozghilangchilargha yardem qilidighanliqi we atalmish islam dölitige qarshi urush qilidighanliqini jakarlidi.

Aqsaray bayanatchisi josh érnést süriyege ewetishi testiqlan'ghan 50 kishilik alahide heriket etritining shimaliy süriyege orunlashturulidighanliqini bildürdi.

U yene bu nöwetlik esker ewetish qararining amérikining islam dölitige qarshi urush qilish istratégiyeside özgirish yasalghanliqtin dérek bermeydighanliqini, bu nöwet süriyege ewetilidighan qisimlarning urush qilish wezipisi ötimeydighanliqini bildürdi.

NBC Téléwiziyesining xewerlirige qarighanda, amérika yene türkiyening enjürlük herbiy baziridiki herbiy ayropilanlirini köpeytidiken we shimaliy iraqqa jiddiy inkas qayturush qisimlirini orunlashturup,iraqning islam dölitige qarshi urushlirigha hemdemde bolidiken.

Amérika ilgiri iraqqa 4 minggha yéqin herbiy xadim ewetken we bular biwasite urushqa qatnashmisimu, iraq eskerlirige meslihet bérish qarliq wezipilerni öteydighanliqi bildürülgen.

Amérika bir nechche yildin buyan dawam qiliwatqan süriye toqunushida hökümetke qarishi mötidil küchlerni herbiy eslihe bilen teminlep kéliwatqan bolsimu, emma süriyege herbiy xadim ewetip baqmighan idi.