Xitay emeldari xelqara olimpik komitétining axbarat yighinida Uyghurlargha da'ir siyasi bayanat bérip, ‍olimpik nizamigha xilapliq qilghan

Muxbirimiz erkin
2022-02-18
Share

Uyghurlarning kishilik hoquqini sözlesh “Olimpikni siyasiylashturghanliq” dep ret qilghan xelq'ara olimpik komitétining 17-féwral béyjingda ötküzülgen axbarat yighinida, xitay emeldarining Uyghurlar heqqidiki siyasiy bayanatigha süküt qilishi tenqidke uchrighan. Bu weqe 18-féwral xelq'ara tartqularda keng xewer qilinip, qattiq ghulghula qozghan. “Kündilik bést” gézitining xewer qilishiche, axbarat yighinida béyjing qishliq olimpiki teshkiliy komitétining bayanatchisi yen jyarong, Uyghur mejburiy emgiki bar déyishning “Yalghanchiliq” ikenliki, teywen béyjing qishliq olimpikning yépilish murasimigha qatnashsimu, u yerde peqet “Birla xitay” bolidighanliqini tekitligen.

Xewerde déyilishiche, yighinda muxbirlar xelq'ara olimpik komitétining bayanatchisi mark adamistin teywenning olimpikning yépilish murasimigha qatnishishi, Uyghur rayonidiki lagérlar, jümlidin olimpik formisining Uyghur mejburiy emgek ishlemchiliri teripidin “Shinjang paxtisi” da ishlepchiqilghanliqigha bolghan inkasini sorighan. Lékin yen jyarong mark adamisning sözini bölüp, yuqiriqi siyasiy bayanatni bergen. U bu su'algha qarita “Méningche, bu su'allar pütünley yalghan uchurlargha tayan'ghan… bezi da'iriler aliburun bu yalghan uchurlargha qarshi pikir bildürdi,” dégen. Shuning bilen bir waqitta u yene “Olimpikning siyasiylashturulushigha izchil qarshi turup kelgenliki” ni éytqan.

“Kündilik bést” ning éytishiche, mark adams yen jyarongning sözlirige süküt qilipla qalmay, bu mesililerning bu yighinning témisi bilen munasiwetsiz ikenlikini ilgiri sürüp, uninggha jawap bérishtin ‍özini qachurghan. Xelq'ara olimpik komitétining nizamide kishilik hoquq tekitlensimu, biraq mezkur xelq'ara tenterbiye teshkilati olimpikni “Siyasiylashturmasliq” namida Uyghurlar uchrawatqan qorqunuchluq depsendichilikke köz yumush bilen eyiblinip kelgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet