Хитайниң 9 түрлүк җинайәт бойичә өлүм җазасини бикар қилидиғанлиқи гуман қозғиди

Мухбиримиз қутлан
2014-10-27
Share

Шинхуа агентлиқиниң дүшәнбә күнидики хәвиригә қариғанда, өлүм җазасиниң даирисини тарайтиш бойичә җинайи ишлар қануниниң бир түзитилгән лайиһиси хитай мәмликәтлик хәлқ қурултийиниң тәстиқлишиға сунулған.

Униңда буниңдин кейин хитайда қорал-ярағ вә оқ-дора әткәсчилики, сахта пул ясаш һәмдә қанунсиз мәбләғ топлаш қатарлиқ җинайәтләр бойичә өлүм җазаси беришни бикар қилидиғанлиқи көрситилгән.

Мәлум болушичә, нөвәттә хитайда 56 хил җинайәт бойичә өлүм җазаси йолға қоюлған. Кишилик һоқуқ органлириниң билдүрүшичә, һәр йили хитайда өлүм җазаси берилип етип ташлинидиған кишиләрниң сани пүтүн дунядики башқа әлләрдә өлүм җазаси берилгән җинайәтчиләрниң санидинму көп икән.

Баш штаби сан франсискодики "диалог фонди җәмийити" узундин буян хитай һөкүмитини сиясий җинайәтчиләрни қоюп беришкә чақирип кәлгән. Уларниң билдүрүшичә, 2013-йили хитайда 2400 адәмгә өлүм җазаси берилгән. Һалбуки, бу сан пәқәтла даириләр елан қилған сан болуп, йәнә қанчилик сиясий мәһбусниң мәхпий етилғанлиқи мәлум әмәскән.

Хәлқара кәчүрүм тәшкилатиму хитай һөкүмитиниң өлүм җазаси һәққидики тәпсилатларни баштин-ахири хәлқара җәмийәттин мәхпий тутуп кәлгәнликини, бәлки хитайда һәр йили өлүм җазаси берилидиған кишиләрниң һәқиқий санини билишниң мумкин әмәсликини тәкитлимәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт