"шинҗаң синипи" ға бу йил он миңға йеқин оқуғучи қобул қилинидикән

Мухбиримиз ирадә
2016-08-04
Share


Тәңритағ ториниң хәвиридин қариғанда, бу йил хитай өлкиридики толуқ оттура синиплириға 9880 нәпәр оқуғучи қобул қилиш пиланланған. Буниң ичидә йәрликтин қобул қилинидиғанлар сани 9530 оқуғучи болуп, биңтуәндин қобул қилинидиғанларниң сани 350 нәпәр икән.

Уйғур аптоном районлуқ "ички өлкиләрдики шинҗаңлиқ оқуғучилар хизмитини башқуруш ишханиси" бәргән баянатқа қариғанда, бу йил хитай өлкилиридики "шинҗаң синиплири" ға әвәтилидиған оқуғучилар нуқтилиқ һалда җәнубтики 3 вилайәт, бир областтин, болупму аптоном наһийәләрдики нопуси аз болған аз санлиқ милләт оқуғучилиридин таллинидикән. Бу йил шинҗаң синиплириға тизимлатқанлар сани 44 миңдин ашқан.

2000 - Йили бейҗиң, шаңхәй, тйәнҗин қатарлиқ шәһәрләрдә тунҗи қетим "шинҗаң синиплири" ни тәсис қилинғанда 1000 нәпәр оқуғучи қобул қилған иди. Әмма даириләр шинҗаң синиплириниң санини зор күч билән ашуруп, қисқиғинә бир мәзгил ичидә оқуғучи қобул қилиш көлимини кеңәйтип 10 миңға йәткүзгән.

Шинҗаң синиплириниң қурулуш мәқсити көзәткүчиләрниң диққитини қозғап келиватқан бир мәсилә. Нурғун уйғур көзәткүчиләр җәнубий уйғур елидики деһқан - чарвичиларниң пәрзәнтлири нишанлиқ қобул қилинидиған бу снипларниң "уйғур пәрзәнтлириниң меңисини ююш" үчүн хизмәт қилидиғанлиқини илгири сүриду. 2014 - Йили с н н теливизийисиниң бир мухбири тйәнҗиндики шинҗаң синипи оқутқучисини зиярәт қилғанда, у бу балиларға вәтәнни сөйүшни өгитидиғанлиқини ейтқан иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт