Xitay hökümiti 197 kishini “Torda ösek söz tarqatqan” dégen jinayet bilen jazalighan

Birleshme agéntliqning xewirige qarighanda, bügün tyenjin sheherlik hökümet özining mikrobilogida xewer bérip, tyenjindiki zor partlashta ölgenler sanining 158 ge yetkenlikini élan qilghan.

Shuning bilen bir waqitta yene, shinxu'a agéntliqi xitay dölet xewpsizlik ministirliqining bayanatini neqil keltürüp, 197 kishini “Her xil témilarda torda ösek söz tarqatqan” dégen jinayet bilen jazalighanliqini xewer qilghan.

Shinxu'a agéntliqi tarqatqan resmiy xewerde yene, xitay dölet xewpsizlik ministirliqining yéqindin buyan intérnétta jem'iy 165 adrésni taqighanliqi bildürülgen. Xewerde bir qisim tor kézerlirining “Junggodiki pay chéki baziri chüshüp ketkenliki sewebidin bir kishi béyjingda binadin sekrep öliwaldi”, “Tyenjindiki partlashta az dégende 1300 adem öldi” dégendek ösek sözlerni tarqatqanliqi üchün jazalan'ghanliqi ilgiri sürülgen.

Xewerde yene xéli köp sandiki kishilerning béyjingda ötküzülüsh aldida turghan herbiy parat heqqide ösek söz tarqatqanliqi üchün jazalan'ghanliqi tilgha élin'ghan.

Közetküchiler, xitay tor saqchilirining nöwette ilgiriki herqandaq bir mezgilge sélishturghanda “Sezgürlükining pewqul'adde éship ketken” likini tekitlimekte.