Хитайдики өй-мүлүк базири давамлиқ чүшмәктикән

Мухбиримиз әзиз
2022.11.01
Share on WhatsApp
Share on WhatsApp

Ройтерс агентлиқиниң 31-өктәбирдики хәвиридә ейтилишичә, хитайдики өй-мүлүк базири өктәбир ейида давамлиқ төвәнлигән. Хусусий ширкәтләрниң бу һәқтики санлиқ мәлуматлири бу һалниң 2021-йилдин буян изчил давам қиливатқан һадисә икәнликини җанлиқ намайән қилип бәргән.

Хәвәрдә ейтилишичә, хитай иқтисадиниң йүксилишидики ғол түврүк, дәп қариливатқан өй-мүлүк базириниң бу йосунда төвәнләп меңишидики әң муһим сәвәбләрниң бири, хитайдики вирус юқумини контрол қилиш түпәйлидин иҗра қилиниватқан бир қатар тәдбирләр болған. Америка мәркизий истихбарат идарисиниң хадими чен венҗиң бу һәқтә сөз қилип: “вирусни нөлгә чүшүрүш сиясити әмәлийәттә хитайниң өй-мүлүк базирини өлтүриватқан әң муһим амил болуп қалди” дегән.

Хәвәрдә ейтилишичә, санлиқ мәлуматлар бу хил чекинишниң хитайдики 100 шәһәрдә охшимиған дәриҗидә мәвҗутлуқини, болупму хитайниң шаңхәй, гуаңҗу, шенҗен қатарлиқ чоң шәһәрлиридә техиму гәвдилик икәнликини көрсәткән. Буниңда йеңи өйләрниң сетилиши вә кона өйләрниң сетилиши охшашла тәсиргә учриған болуп, өй сетиш нишаниниң орунлиниши 50 пирсәнт әтрапида болған.

“әл җәзирә” ниң бу һәқтики хәвиридә “навада хитай һөкүмитиниң һазирқи юқум тәдбирлири давам қилса, хитайдики өй-мүлүк базириниң йеқин кәлгүсидә әслигә келишидин үмид йоқ” дейилгән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.