Xitay elchixanisi ana til ögitish wediside turmidi, 50 che oqughuchi mektep almashturdi

Muxbirimiz shöhret hoshur
2017-05-31
Share

Pakistanda pa'aliyet élip bériwatqan ömer Uyghur wexpi ana til mektipi échip, bir türküm Uyghur muhajirlirining perzentlirini terbiyiligen idi.

Mezkur teshkilatning herqandaq bir pa'aliyitidin bi'aram bolup kelgen islam'awattiki xitay elchixanisi diplomatik küchi arqiliq mezkur mektepni taqatqan we özliri bir ottura mektep tesis qilip, Uyghur tili ögitish wedisi bilen pakistandiki Uyghur muhajirlarning perzentlirini toplighan idi.

Bügün ömer Uyghur wexpining radiyomizgha ashkarilishi we bir qisim Uyghur muhajirlarning bayan qilishiche, xitay elchixanisi mezkur wediside turmighan Peak Montessori namidiki bu mektepte orduche bilen xitay tilidila ders bérilgen. Netijide bu mektepke yighilghan 200 ge yéqin Uyghur oqughuchining 50 nechchisi yéqinda mektep almashturghan.

Ömer Uyghur wexpining bashliqi ömerjan ependi, pakistanning iqtisadiy jehettiki namratliqi seweblik, perzentlirige ana til ögitish yolida xitay elchixanisigha béqinip qalghanliqini, elchixanining bu qétimqi wediside turmasliqi bilen xitay hakimiyitining tebi'itini yene bir qétim tonup yetkenlikini ilgiri sürdi. U pat yéqinda bu mekteptin yene 20-30 oqughuchining ayrilidighanliqini tilgha aldi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet