Pakistan bash ministiri imran xan wezipisidin qaldurulghan

Pakistan bash minsitiri imran xan 10-aprél küni parlaméntning qollishigha érishelmey texttin chüshken.

Köpligen xelq'araliq taratqularning xewer bérishiche, imran xan ilgiri parlaménti tarqitiwétip, baldur saylam ötküzüsh arqiliq ilgiri özige xiris peyda qilghan siyasiy reqibining yolini tosimaqchi bolghan. Emma pakistan aliy soti öktichi partiyening iltimasini qobul qilip, bash ministirgha ishenmeslik béliti tashlash qarari bergen.

Imran xan 2018-yil pakistanning bash minisitiri bolup saylan'ghandin béri pakistanda közge körün'gidek netije yaritalmighan, öktichi partiyeler uni “Iqtisadni bashquralmidi” dep eyiblep, wezipisidin qaldurushqa urunup kelgen hemde köp sanliq parlamént ezalarning qollishigha érishken. 10-Aprél küni pakistan parlaménti bélet tashlash arqiliq imran xanni bash ministirliqtin qaldurghandin kéyin, öktichi partiye re'isi shehbaz sherifni yéngi bash minisitrliqqa saylighan. Pakistan musulmanlar birliki partiyesining re'isi bolghan shehbaz sherif pakistanning sabiq bash ministiri nawaz sherifning inisi iken؛ u yéngi hökümet teshkillep, 2023-yil omumiy saylam bolghiche wezipe öteydiken.

Imranxan bash ministirliq wezipisini ötigendin béri xitay bilen zich hemkarliship kelgen, xitayning Uyghur rayonidiki irqiy qirghinchiliq jinayitini qollighan hemde 27-mart küni yüz minglighan qollighuchilirigha qilghan sözide xitayni maxtap: “Xitay hökümiti peyghember eleyhissalamning sünniti boyiche ish qiliwatidu” dégenidi. Musulman közetküchiler, imran xanning pakistan islam jumhuriyitining bash ministiri bolush süpiti bilen islamgha qarshi urush achqan kommunist xitayni “Peyghember eleyhissalamning sünniti boyiche ish qiliwatidu” déyishi, islam dinining rohigha we tüp prinsiplirigha éghir derijide xilap qilmish ikenlikini igiri sürmekte.