Пакистанниң хитайдики әлчисиниң "биңтуәнниң шинҗаң тәрәққиятидики роли" ни махтиши диққәт қозғиди

Мухбиримиз әркин
2020-11-09
Share

Пакистанниң хитайдики баш әлчиси моин ул һәқниң 6-ноябир "шинҗаң ишләпчиқириш-қурулуш биңтуәнни" чақирған шаңхәйдики бир йиғинда сөз қилип, хитайниң уйғур елидики мәзкур йерим ишләпчиқириш-йерим қораллиқ тәшкилатини махтиған. Бу тунҗи қетим бир чәтәл әмәлдариниң америка һөкүмити тәрипидин уйғурларни бастурушта ойниған роли сәвәблик ембарго қоюлған бу органни махтишидур. Америка һөкүмити бу йил 7-айда биңтуән вә униң икки рәһбиригә уйғурларни дәпсәндә қилғанлиқи үчүн ембарго йүргүзгәниди.

Хитайдики "җуңго гезити" ниң хәвәр қилишичә, моин ул һәқ "мәбләғ вә сода һәмкарлиқ мунбири" намлиқ бу йиғинда пакистанниң "шинҗаң хәлқи вә һөкүмитиниң намратлиқтин қутқузуш вә радикалиққа қарши туруш һәрикәтлиридин хәвәрдар" икәнликини билдүргән. Моин ул һәқ бу сөзләрни пакистанниң картон вәқәсидә фирансийәгә шиддәтлик қарши туруп, хитайниң милйонлиған мусулманниң лагерларға қамиши, диний етиқадини рәт қилишини "радикаллиққа қарши туруш" дәп қоллиши "икки йүзлимичилик" дәп әйиблиниватқан мәзгилдә қилған.

Мусулман дөләтлири уйғурлар мәсилисидә хитайни қоллиған яки униңға сүкүт қилип кәлгән болсиму, лекин хитайниң һәрикити ғәрб дөләтлириниң қаттиқ тәнқидигә учрап кәлди. Шветсарийә һөкүмитиниң ашкарилишичә, шветсарийә дөләт ишлар секретари кристина марти 9-ноябир хитайниң муавин ташқи ишлар министири чин гаң билән тор йиғини өткүзгән. Йиғинда кристина марти уйғур вә тибәтләрниң инсан һәқлиригә хилаплиқ қилиниватқанлиқини тәкитләп, өзлириниң әндишә қиливатқанлиқини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт