Хитай көчмәнлириниң париждики намайиши хитайниң уйғур дияридики юқири бесимлиқ сияситигә соал қоймақта

Мухбиримиз қутлан
2017-04-03
Share

Фирансийә пайтәхти парижда бир нәпәр хитай гумандарниң сақчилар тәрипидин етип өлтүрүлүши фирансийәдики хитай көчмәнлириниң коллектип наразилиқини кәлтүрүп чиқарған.

Йәкшәнбә күни 6 миңдәк хитай парижда йиғилип, наразилиқ намайиши өткүзгән.

Фирансийә даирилириниң билдүрүшичә, лю шавйо исимлик 56 яшлиқ хитай сақчиға пичақ билән һуҗум қилғанда етип өлтүрүлгән икән.

Бейҗиң даирилири бу вәқәгә инкас қайтуруп: «фирансийәдики җуңго гражданлириниң қануний һәқ-һоқуқлириға капаләтлик қилиш» ни тәләп қилған.

Игилинишичә, парижда тәхминән 300 миңға қәдәр хитай яшаватқан болуп, наразилиқ намайиши тәшкиллигән хитайларниң сақчиларға тухум, ботулка вә мевә билән һуҗум қилғанлиқи мәлум. Вәзийәтни контрол қилиш үчүн сақчилар ахирида яш аққузуш бомбиси ишлитип, уларни тарқақлаштурған.

Уйғур көзәткүчиләр, парижда сақчиға пичақ билән һуҗум қилған бир хитай етип өлтүрүлгәндә фирансийәдики миңлиған хитайларниң наразилиқ намайиши өткүзгәнликини, һәтта бейҗиң даирилириниң фирансийәгә бесим ишләткәнликини, һалбуки, «5-июл вәқәси» дин буян уйғур диярида өлтүрүлгән яки из-дерәксиз ғайиб болған шунчә көп уйғур һәққидә хитайниң изчил түрдә ахбаратни қамал қилип кәлгәнликини селиштурма қилмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.