Shenshi yülindiki partlashta 10 adem ölüp 150 tin artuq adem yarilandi

Xitayning shenshi ölkisi yülin shehiri fugu nahiyiside 24 - öktebir kechte yüz bergen partlashta 10 adem ölüp 150 din artuq ademning yarilan'ghanliqi ashkarilandi.

Xitayning hökümet taratquliridin shinxu'a agéntliqining 24 - öktebirdiki xewiride, partlashta ölgenlerning 10 neper ikenliki, 24 - öktebir kéche sa'et 11 ge qeder yarilan'ghanlar sanining 157 ge yetkenliki éniqlan'ghanliqi, ulardin 113 kishining doxturxanilargha dawalashqa élip kétilgenliki xewer qilindi. Emma xewerde weqening yüz bérish sewebi heqqide tepsiliy melumat bérilmigen.

Shenshi yülin yerlik hökümitige qarashliq “Soda tori” ning weqe heqqidiki xewiride, partlashning sewebi heqqide toxtilip, 24 - öktebir chüshtin kéyin sa'et 2 etrapida fugu nahiyisi shinming bazirida yüz bergen partlashning bir ahaliler binasining yer asti öyide saqliniwatqan partlatquch dora bilen munasiwetlik ikenliki tilgha élin'ghan. Tünügünki partlash weqesige seweb bolghan partlatquch dorining néme sewebtin ahaliler olturaq binasida saqlan'ghanliqi we kimge teweliki heqqide 25 - öktebirge qeder xitay hökümet taratqulirida bashqa izahatlar bérilmidi.