Xitayning bashqa jaylirida paxta mehsulati töwenlidi, emma Uyghur élide köpeydi

Muxbirimiz ümidwar
2014.12.21


Uyghur aptonom rayoni nöwette xitayning eng zor paxta bazisi bolup, pütün xitay paxta mehsulatining yérimidin kop qisimi Uyghur élidin élinidu. Bu, yil pütün xitayning paxta mehsulati ötken yilidikidin töwenlep ketken. Emma, Uyghur aptonom rayonining paxta mehsulati ötken yilidikidin ashqan.

Shinxu'aning xewiride éytilishiche, 2014 - yili. Pütün Uyghur aptonom rayonida 3milyon 670 ming tonna paxta élinip, pütün memliket paxta mehsulatining 59.7%Ni igiligen. Emma, paxta tériydighan ölkilerning omumiy mehsulati 2milyon 480ming tonna bolup, ötken yilidin 29.8 % Töwenligen.

Bu yil pütün xitay boyiche 616 milyon tonnidin artuq paxta élin'ghan bolsimu, emma ötken yilidiki 138 ming tonna az élinip, mehsulat ötken yilidikidin 2.2% Töwenligen.

Xewerdin melum bolushiche, pütün xitay boyiche paxta mehsulatining töwenlep kétishide bashqa ölkilerdiki paxta meydanliri azlighan, netijide mehsulatmu töwenligen.

Melum bolushiche, 2010 - yilidin bashlap, 19 ölke we biwasite qarashliq sheherler Uyghur élining her qaysi rayonlirigha kirip, meblegh sélish we échishni kücheytkendin buyan gu'angdong qatarliq ölkiler asasliqi qeshqer wilayiti qatarliq jenubiy rayonlarni paxta bazisigha aylandurushni kücheytken idi. Tarim wadisi etrapidin élin'ghan paxtilar ichkiri ölkilerdiki toqumchiliq fabrikiliri ,shirketler we paxta sodisining asasliq bazisigha aylan'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.