“майк помпейо билән кәчлик параң: хитай хәлқигә йолланған учур” намлиқ программа йолға қоюлди

Мухбиримиз ирадә
2022.09.15
Share on WhatsApp
Share on WhatsApp

Америкадики нопузлуқ истратегийә тәтқиқат мәркизи болған “ходсон иниститути” йеқинда “майк помпейо билән кәчлик параң: хитай хәлқигә йолланған учур” намлиқ йүрүшлүк программа йолға қойған.

Бу программида американиң 70-нөвәтлик сабиқ ташқи ишлар министири майк р. Помпейо (Michael R. Pompeo) Хитай хәлқигә хитабән сөз қилип, уларға хитай компартийәсиниң маһийити вә униң америка билән болған мунасивити һәққидә сөзләйдикән.

Мәзкур йүрүшлүк программиниң биринчи қисми 14-сентәбир күни һәм ходсон иниститути тор бетидә һәм ювтуп торида тарқитилған. Сабиқ ташқи ишлар министири майк помпейо биринчи бөлүмдә нуқтилиқ һалда хитай компартийәсиниң хитай хәлқигә вәкиллик қилалмайдиғанлиқи, хитай компартийәсиниң хитай хәлқиниң мәнпәәтини чиқиш қилип әмәс, бәлки өзиниң һакимийитини қоғдаш бәдилигә һәрикәт қилидиған бир мустәбит һакимийәтликини чүшәндүргән.

У мундақ дегән: “хитай компартийәси тәшвиқ қилип кәлгән әң чоң ялғанчилиқ шуки, у хитайға вә хитай мәдәнийитигә вәкиллик қилиду. Мениңчә хитай компартийәси буниң ялғанлиқини билиду. Әгәр улар өзини һәқиқәтән хитай хәлқигә вәкиллик қилиду дәп қариған болса, у һалда униң хитай хәлқини бастуруш вә назарәт қилишқа сәрп қилған дөләт ичи мудапиә чиқими дөләт сиртиға қаратқан мудапиә чиқимидин көп болмиған болатти. Әгәр у һәқиқәтән хитай хәлқигә вәкиллик қилған болса, у һалда у әркин вә адил сайлам өткүзгән болатти. Әмма у ундақ қилмайду. Чүнки бу аталмиш хәлқ җумһурийити әмәлийәттә өз хәлқигә қарши.”

Мәлум болушичә, бу программа хитай һөкүмитиниң кишилик һоқуқ хатириси қатарлиқ нурғун иҗтимаий мәсилиләр тоғрисида хитай хәлқини мәлумат игиси қилишни мәқсәт қилидикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.