Үрүмчи билән ләнҗу вә шиниң арилиқидики юқири сүрәтлик йолучилар пойизи адәм тошушта юқири рекорт яратқан

Мухбиримиз қутлан
2017.01.02

Хитай һөкүмитиниң аталмиш “ғәрбни ечиш” истратегийәсидә хитай өлкилири билән уйғур диярини туташтуридиған төмүрйол қатнишида юқири сүрәтлик транспорт линийәси ечиш қурулуши муһим түрләрниң бири қилинғанлиқи мәлум.

“йәр шари вақит гезити” ниң илгири сүрүшичә, үрүмчи билән гәнсу өлкисиниң мәркизи ләнҗу вә чиңхәй өлкисиниң мәркизи шиниң арилиқида юқири сүрәтлик йолучилар пойизи қатнаш башлиғандин буян 7 милйон 500 дин артуқ йолучи тошулған.

Игилинишичә, оқ беши шәкиллик юқири сүрәтлик йолучилар пойизи хитай өлкилири билән уйғур ели оттурисидики қатнашни пәвқуладдә раванлаштурған болуп, йолучи тошушта тарихтики әң юқири рекортни яратқан.

Алдинқи һәптә үрүмчи төмүрйол идариси чаған мәзгилидә 3 милйон 800 миң йолучи тошуйдиғанлиқини билдүргән болуп, көзәткүчиләрниң қаришичә, бундақ зор көләмдики йолучи тошуш имканийити хитай өлкилиридики ақма нопусниң уйғур елиға сәлдәк еқишини тезлитидикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.