Путин әзәрбәйҗан - әрменийә зиддийитини һәл қилишқа киришти

Мухбиримиз үмидвар
2014-08-10
Share

Русийә президенти владимир путин 9 - авғуст күни кавказийәдә узундин буян бир - бирини рәқип һесаблап келиватқан икки мәмликәт әзәрбәйҗан җумһурийити президенти илһам алийеф, әрминийә президенти серҗи саркисиян билән айрим - айрим көрүшүп, икки җумһурийәт арисида талаш - тартиш үстидә туриватқан тағлиқ қара бағ мәсилисини муһакимә қилған.

Америка бирләшмә агентлиқиниң хәвәр қилишичә, 10 - авғуст күни русийә - әзәрбәйҗан вә әрмәнийәдин ибарәт үч тәрәп сөһбити өткүзүлүши план қилинған.

Тағлиқ қарабағ, яки нагорний қарабағ әслидә әзәрбәйҗанға тәвә әрмәнләр көп санлиқни тәшкил қилған бир аптоном област болуп, 1989 - йили, тағлиқ қарабағ зиддийити күчийишкә башлиған иди. 1991 - Йили, әзәрбәйҗан мустәқил болғанда, униң тәвәликидики тағлиқ қарабағ аптоном областидики әрмәнләр мустәқиллиқ җакарлап, тағлиқ қарабағ җумһурийитини қурған, буниң билән уруш партлап, тағлиқ қарабғ җумһурийитини әрминийә қоллиған.

1991 - 1994 - Йиллири арисидики урушта көп адәм өлгән иди. Тағлиқ қара бағ җумһурийити дунядики һечқайси дөләт тәрипидин етрап қилинмиған болуп, пәқәр русийәниң ярдимидә грузйәдин мустәқил болған җәнубий оссетийә вә абхазийә тәрипидинла етирап қилинған иди.

Тағлиқ қарабағ тоқунушини һәл қилиш үчүн америка вә башқа явропа дөләтлири, түркийә арилишип кәлгән болсиму, бирақ русийә тәрәп актип позитсийә тутмиған.

Украина кризиси түпәйлидин ғәрб билән русийәниң зиддийити откүрлишиватқан пәйттә путинниң әзәрбәйҗан вә әрминийә арисида тағлиқ қарабағ мәсилиси бойичә мәйданға чиқиши диққәт қозғиди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт