Besh neper Uyghur ösmür xitay döletlik "15 Yashliqlar" putbol komandisigha tallan'ghan

Muxbirimiz ümidwar
2016-06-27
Share


Uyghur aptonom rayonining qeshqer, ghulja, ürümchi we bashqa rayonliridiki Uyghur yash - ösmürliri arisidiki putbolgha bolghan alahide qiziqish shuningdek Uyghur ösmürler komandilirining xitay memliketlik musabiqilerde netijilerge érishishi yillardin buyan diqqet qozghap kéliwatqan ehwal idi.

Eng yéngi uchurlardin melum bolushiche, yéqida xitay döletlik 15 yashliq ösmürler komandisi öz sépige besh neper Uyghur ösmür putbolchini tallap qobul qilghan.

Baghdash toridiki bu heqtiki uchurlardin we mezkur 15 yashliqlar tallanma komandining tizimlikidin qarighanda,mezkur komanda 30 - iyuldin 7 - awghustqiche xongkong we makawda ötküzülidighan 6 - nöwetlik yash ösmürler musabiqisige qatnishidighan bolup, mezkur besh Uyghur ösmür pulbolchini öz ichige alghan 30 etrapida tallan'ghan mahir merkezlik meshiq bashlighan.

Melum bolushiche, yene bir qanche neper Uyghur yash putbolchi xitayning döletlik komandiliri terkibide musabiqilerge qatnashmaqta, beziliri brazilye we bashqa döletlerde meshiq qilishqa ewetilgen iken.

Uyghur tor betliride mezkur besh Uyghur ösmürning biraqla xitay döletlik 15 yashliqlar komandisigha meshiq qilish üchün tallinishigha qarita tordashlarning küchlük qiziqish, pexirlinish we hayajanliq inkasliriqozghalghan, shuningdek xéli uzun tarixi musapini besip ötken Uyghurlarning putbol herikitini téximu kücheytish pikirliri otturigha chüshken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet