Putin nazarbayéfning tughulghan künini tebriklidi

Rusiye prézidénti wladimir putin 6 - iyul küni qazaqistan prézidénti nursultan nazarbayéfning tughulghan künini tebriklesh üchün tataristan paytexti qazandin astanagha kélip, özi biwasite nazarabyéfni tebriklidi.

Rusiyining xewerler agéntliqining bayan qilishiche, 6 - iyul küni qazaqistanning prézidént küni bolup, bu kün pütün memliket boyiche dem élishqa qoyuwétilgen.

“Néwsru” torining xewiridin melum bolushiche, putin astanada nazarbayéfni tebriklesh bilen bir waqitta rusiye bilen qazaqistan arisidiki hemkarliq mesililiri boyiche pikir almashturghan. Buning ichide eng muhim nuqta “Bayqanur” alem we yadro téxnika merkizi mesilisi bolup, rusiye bu orunni dawamliq ishletmekte idi. Buningdin bashqa putin bilen nazarbayéf yene 2 - iyul küni bu jaydin qoyup bérilgen “Proton - m” namliq rakéta toshughuchining apetke uchrap, qazaqistan ékologiyisige tesir körsetkenlikige a'it mesililernimu muhakime qilghan.

Melum bolushiche, putin qazaqistan bilen bolghan hemkarliqlargha alahide ehmiyet bériwatqan bolup, nursultan nazarbayéf uning “Yawro - asiya ittipaqi” idiyisining qollighuchisidur.