Putinning béyjing sepiri harpisida xitay taratquliri xéylungjyangdiki rus kentini teshwiq qilishqa bashlighan

Muxbirimiz qutlan
2015-08-31
Share

Rusiye prézidénti wiladimir putin béyjingda ötküzilidighan herbiy paratqa qatnishish üchün seperge chiqish harpisida xitay taratquliri birdinla xéylungjyang ölkisidiki rus kentini bes-beste teshwiq qilishqa bashlighan.

Melum bolushiche, xéylungjyang ölkisining sherqiy-shimaliy burjikidiki xungjyang kenti rusiye bilen chégralinidighan xitay tewesidiki alahide bir kent iken.

Bu kentte yashaydighan 300 ge yéqin kishining qénida oxshimighan derijide rus terkipi bar bolup, ular eyni yilliri sabiq sowétler ittipaqida yüz bergen acharchiliqtin xitaygha qéchip kelgen ruslarning ewladliri iken. Bu kishiler kéyinche bu yerdiki xitaylar bilen toyliship shalghut bir topni shekillendürgeniken.

1960-Yillarda sowét-xitay munasiwiti yirikleshkende, bu yerdiki rus qéni arilash kent ahaliliri "Sowét jasusi", "Réwizi'onizmchi" dégendek qalpaqlar bilen éghir künlerni köchürgenliki melum.

Közetküchiler, xitay hökümitining putin béyjinggha kélish aldida xéylungjyangdiki rus kentini taratqularda teshwiq qilishi kona ittipaqdishi rusiye bilen bolghan munasiwette desmaye hazirlash üchündur, dep qarimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet