Putin moskwada ikki yighin échish aldida turmaqta

Muxbirimiz ümidwar
2015-12-20
Élxet
Pikir
Share
Print


21 - Dékabir küni moskwa kolléktip bixeterlik kélishimi teshkilati we yawro - asiya iqtisadiy ittipaqining yighini échilish aldida turmaqta.

Rusiyening "Musteqilliq" gézitining yézishiche, prézidént wladimir putin 21 - dékabir yeni düshenbe küni moskwada kolléktip bixeterlik kélishimi teshkilatigha eza döletler bashliqliri yighini shuningdek yene yawro - asiya iqtisadiy ittipaqigha eza döletler bashliqliri yighini chaqiridu.

Kolléktip bixeterlik kélishimige eza döletlerning bashliqliri moskwada uchriship, dunyaning nöwettiki weziyiti, xelqaraliq bixeterlik sahesidiki asasliq mesililer we kolléktip bixeterlik kélishimi teshkilatining weziyet heqqidiki qararliri hem bashqilarni muzakire qilidu.

"Ottura asiya xewerliri"torining bu heqtiki uchurida éytilishiche, tajikistan prézidénti ema meli raxman yekshenbe yighin'gha qatnishish üchün moskwagha yétip kelgen.

Rusiyening "Sodiger" gézitining yézishiche, bu küni moskwa kolléktip bixeterlik kélishimige eza döletler tashqi ishlar ministirilirimu yighin ötküzüp térrorizmgha qarshi küresh mesililirini muhakime qilidiken.

Kolléktip bixeterlik kélishimi teshkilatigha rusiye, erminiye, bélarusiye, qazaqistan, qirghizistan we tajikistan eza bolup, putin mezkur döletlerning rehberliri bilen yene ayrim uchrishishlar ötküzidu.

"Musteqilliq"gézitining yézishiche, yawro - asiya iqtisadiy ittipaqining yighinigha mezkur ittipaqqa eza rusiye, erminiye, bélarusiye, qazaqistan we qirghizistan prézidéntliri qatnishidu. Yighinda mezkur ittipaqning bir yilliq xizmetlirining xulasisi chiqirilidiken we kelgüsi tereqqiyat, kéler yilliq xamchot we bashqilar muhakime qilinidiken.

Toluq bet