Amérika tashqi ishlar ministirliqi türkiyening Uyghurlarni xitaygha qayturup bérishige inkas bildürgen

Muxbirimiz erkin
2020-07-27
Share

Amérika tashqi ishlar ministirliqi bayanat élan qilip, xitayni bashqa döletlerge bésim ishlitip Uyghurlarni mejburiy qayturup kétishni toxtitishqa chaqirghan.

"El-erebiye" gézitining 26-iyul xewer qilishiche, amérika tashqi ishlar ministirliqining yuqiriqi bayanati türkiyening ötken yili 6-ayning axirlirida 3 neper Uyghur ayal bilen 2 balini tajikistan arqiliq xitaygha qayturup bergenlikige da'ir xewerlerge qarita élan qilin'ghan. Radiyomiz ötken yili xitaygha qayturup bérilgen Uyghur ayalliridin zinnetgul tursunning yurti qorghas nahiyesige élip kélingenliki, lékin hazirghiche iz-dérikining yoqluqi, uning ikki perzentining momisigha bérilgenlikini éniqlighan idi.

Engiliyening "Télégraf" géziti 26-iyul zinnetgül tursun we uning bile teng qayturulghan quwanxan isimlik Uyghur ayalning weqesini xewer qildi. "Télégraf" géziti "Türkiye özining wedisini buzmay Uyghur musulmanlirini xitaygha qandaq qayturuwatidu" mawzuluq xewiride prézidént erdoganning musulman öktichilerni xitaygha qayturulushtin burun 3-döletke ewetip, xitayning ularni qayturup kétishige yardem qiliwatqanliqini bildürgen.

"El-erebiye" gézitining xewiride tekitlinishiche, amérika tashqi ishlar ministirliqining bayanatchisi 27-iyul kün "Amérika xitay xelq jumhuriyitining shinjangdiki basturush herikitini derhal toxtitip, xalighanche tutqun qilin'ghan barliq tutqunlarni qoyup bérishke, chet'elde turushluq Uyghurlarni mejburiy qayturup kétip, éniqsiz teqdirge muptila qilish herikitini toxtitishqa chaqiridu," dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.