Xelq'ara kechürüm teshkilati muddetsiz qamaqqa höküm qilin'ghan qazaq yazghuchi naghiz muhemmedning qoyup bérilishini telep qildi

Muxbirimiz erkin
2020-10-30
Share

Xelq'ara kechürüm teshkilati 29-öktebir chaqiriq élan qilip, xitay da'iriliri teripidin muddetsiz qamaq jazasigha höküm qilin'ghan qazaq yazghuchisi naghiz muhemmedning qoyup bérilishini telep qilish herikiti bashlighan. Xelq'ara kechürüm teshkilatining tekitlishiche, nöwette naghiz muhemmedning ehwalidin jiddiy endishe qilinmaqta iken. Mezkur teshkilat chaqiriqida kishilerni Uyghur aptonom rayonluq türme bashqurush idarisining bashliqi wang jyanggha xet yézip, naghiz muhemmedni qoyup bérishni yaki uning xelq'ara ölchemlerge asasen sotlinishini telep qilishqa chaqirghan.

Yazghuchi naghiz muhemmed Uyghur aptonom rayoni altay wilayetlik meniwi medeniyet ishxanisining xadimi bolup, u 2018-yili 3-ayda qazaqistandiki uruq-tughqanlirini yoqlap qaytip kelgendin kéyinla tutqun qilin'ghan. Xelq'ara kechürüm teshkilatining 29-öktebir ashkarilishiche, uning a'ilisidikiler yéqinda naghiz muhemmedning bu yil 9-ayda “Bölgünchilik” bilen eyiblinip, muddetsiz qamaqqa höküm qilin'ghanliqidin xewer tapqan.

Mezkur teshkilatning bildürüshiche, u “El-aghinilirini yighip, qazaqistan dölet bayrimini tebrikligenliki, shinjangning ‛qosh tilliq ma'arip‚ siyasitige pikir bildürgenliki, qazaqlarni qazaqistan'gha köchüshke righbetlendürgenliki” üchün késilgen iken. Naghizning a'ilisidikiler xelq'ara kechürüm teshkilatigha bergen uchurida uning “Jinayiti” ni qobul qilishni ret qilghanliqi, sotta özining qiyin-qistaqqa uchrighanliqini éytqanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet