Qazaqistan latinchigha köchüshte türk herplirini qollinishi mumkin

Muxbirimiz ümidwar
2017-07-30
Élxet
Pikir
Share
Print

Qazaqistan prézidénti nursultan nazarbayéf yéqinda qazaqistanning kiril yéziqi, yeni rus yéziqini pütünley bikar qilip, latin yéziqi qollinidighanliqini jakarlighan idi. Nöwette, qazaqistanning latin yéziqi qollansa, qaysi shekildiki latin yéziq nusxisini ishlitishi mesilisi heqqide türlük qiyaslar dawamlishiwatqan bolup, yéqinda qazaqistan ma'arip ministiri érlan sagadiyéw 2017-yilining axirighiche qazaqistandiki mexsus latin élipbesini békitish komitétining qazaqlar üchün eng muwapiq bir latin élipbe nusxisini békitip chiqidighanliqini bildürgen.

Közetküchilerning qarishiche, qazaqistanning latin élipbesi tüzüshi üchün bir qanche xil wariyant bar bolup, qazaqlar özlirimu ötken esirning 30-40-yilliri arisida latin herpi ishletken idi.

Moskwada chiqidighan "Musteqilliq géziti" de élan qilin'ghan "Türk élipbesi qazaq élipbesi bolidu. Astana rusiye uchur meydanidin chiqip kétidu" mawzuluq maqalide körsitilishiche, chong éhtimalliq shuki, qazaqlar bu qétim latin élipbesi qollinishta türk élipbesidin paydilinishi mumkin iken. Qazaqistanliq siyasetshunas dosim satpayéwning qarishiche, gerche latin élipbesining bir qanche xil nusxiliri bar bolsimu, emma türk élipbesi eng qiziqish qozghimaqta.

Wehalenki qazaqlarning 80 yilgha yéqin waqit ishletken rus herpidin waz kéchip, latinchigha köchüshi, hetta türk élipbesini qollinish éhtimalliqi rusiye siyasiyonlirining diqqitini qozghimaqta.

Toluq bet