Nazarbayéf qazaq tilining latin yéziqigha köchüshi heqqidiki perman'gha imza qoyghan

Muxbirimiz qutlan
2017-10-28
Élxet
Pikir
Share
Print

"Azadliq radiyosi" ning xewirige qarighanda, 27-öktebir küni qazaqistan prézidénti nursultan nazarbayéf qazaq tilining latin yéziqigha köchüshi heqqidiki perman'gha imza qoyghan.

Mezkur permanda qazaqistan milliy komissiyisining 2025-yilighiche tedrijiy halda qazaqlarning latin yéziqigha köchüshini tamamlaydighanliqi bildürülgen.

Közetküchiler, bu qazaqistanning rus tili we medeniyitining tesiridin yiraqlishiwatqanliqining eng körünerlik bir belgisi, dep qarimaqta.

1929-Yili sabiq sowétlar ittipaqi ottura asiyadiki qazaq, qirghiz, özbék, türkmen, Uyghur we bashqa yerlik xelqlerning en'eniwi yéziqini mejburiy halda eslidiki ereb élipbesidin latin élipbesige köchürgen. 1940-Yiligha kelgende latin yéziqini emeldin qaldurup, rus élipbesi asasidiki kiril yéziqigha köchürgen. Qazaqistan kiril yéziqini top-toghra 80 yil qollan'ghan.

Yéqinqi yillarda ezerbeyjan, türkmenistan we özbékistan qatarliq türkiy jumhuriyetler arqa-arqidin kiril yéziqini emeldin qaldurup latin yéziqigha köchken. Qazaqistanning aldinqi küni latin yéziqigha resmiy köchkenliki ottura asiyadiki köp qisim döletlerning rus tesiridin uzaqliship, türkiy medeniyet gewdisige qarap uyushiwatqanliqidin dérek bergen.

Aldinqi küni qazaqistandiki Uyghur bilim ademliri mexsus yighin chaqirip, qazaqistandiki Uyghur jama'itining kiril yéziqidin latin yéziqigha ötüsh heqqidiki jiddiy mesililirini muzakire qilghan.

Pikirler (0)
Share
Toluq bet