Qazaqistanliq Uyghur yigiti asiya musabiqiside altun médalgha érishti

Muxbirimiz ümidwar
2015.02.24


Qazaqistanda Uyghur tilida chiqidighan jumhuriyetlik “Uyghur awazi”gézitining xewer qilishiche, yéqinda iranda ötküzülgen asiya boyiche erkin mushtlishish musabiqiside qazaqistan dölet wekilliri qatarida musabiqige qatnashqan ikki neper Uyghur tenheriketchining biri altun médalgha érishti.

Xewerdin melum bolushiche, altun médal alghan Uyghur yigitining ismi ruslan lbirof iken.

Mezkur asiya boyiche ötküzülgen erkin mushtlishish musabiqisige qazaqistandin 10 adem qatnashqan bolup, yene bir Uyghur yigiti ömerjan idillayéf musabiqide üchinchi bolup, mis médalgha érishti.

“Uyghur awazi” gézitining xewiride éytilishiche, musabiqe iranning zahida shehiride ötküzülgen bolup, emma xewerde musabiqining omumiy tepsilati bérilmigen.

Mezkur ikki Uyghur yigiti almatigha qaytqandin kéyin, bir qisim Uyghur jama'et wekilliri we ularning meshqawulliri, kesipdashliri, qollighuchiliri hem a'ile ezaliri almata shehiridiki bir réstoranda daghdughiliq kütüwélish we tebriklesh murasimi ötküzgen.

Murasimda söz qilghan qazaqistanning ataqliq Uyghur tenheriketchisi, köp qétimliq ottura asiya we xelq'araliq musabiqilerning chémpiyoni,meshqawul alik jelilof ularning töhpisige yuqiri baha bérip, Uyghur tenheriketchilerning her qandaq jaydiki musabiqilerdin quruq qol qaytmaydighanliqi, ularning téximu köp qollap - quwwetleshke muhtaj ikenlikini bildürdi.

Altun médal sahibi ruslan lébirof a'ilisidiki oghullarning ikkinchisi bolup, uning akisi we üch inisi oxshashla yekmu - yek élishish mahirliri iken. Démek, bir a'ilide besh tenheriketchi bar iken.

Qazaqistan Uyghurliridin 1970 - 1980 - yillarda pütün sowét ittipaqi , yawropada we amérika köp qétim musabiqige qatniship boks chémpiyoni bolghan we kéyin dangliq kino artisigha aylan'ghan abduréshit abduraxmanof, dunya chémpiyoni zakir toxtiyéw we bashqa onlighan chémpiyonlar yétiship chiqip, Uyghurlargha we qazaqistan'gha sherep keltürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.