Qazaqistan Uyghur yazghuchisining drama esiri birinchi orunni igilidi

Muxbirimiz ümidwar
2017.11.26

Qazaqistan Uyghur yazghuchisining drama esiri türkiy xelqlerning eng nadir drama eserlirini tallash musabiqiside birinchi orunni igilidi.

Qazaqistandiki “Uyghur awazi” gézitining xewer qilishiche, türkiy xelqlerning ortaq medeniyiti, tarixi we milliy kimlikini rawajlandurushni meqset qilidighan xelq'araliq “Türksoy” teshkilati bilen türkiye medeniyet ministirliqi birliship uyushturghan dunya türkiy xelqlirining xelq'araliq drama eserliri musabiqiside qazaqistanliq Uyghur yazghuchi, qazaqistan yazghuchilar ittipaqi Uyghur edebiyat kéngishining re'isi exmetjan hashiriyning “Charbagh” namliq drama esiri birinchi orunni igiligen.

Exmetjan hashiriy qazaqistanda tonulghan Uyghur yazghuchisi bolup, uning bir qisim romanliri we bashqa eserliri Uyghur tilida chiqqandin kéyin rusche, qazaqche, türkche we bashqa tillargha terjime qilinip tarqitilghan idi. Uning Uyghur tarixining seltenet dewrlirige béghishlighan “Idiqut” we “Barchuq art tékin” romanliri neshr qilin'ghan, shuningdek yene uning “Idiqut” romani dramilashturulup qazaqistan jumhuriyetlik Uyghur tiyatiri teripidin oynalghan hem mukapatqa sazawer bolghan idi. Uning “Idiqut” romani türkchige terjime qilinip, türkiyede neshr qilin'ghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.