Xitay da'iriliri qazaqistanliq axbaratchilar ömikini qeshqerde ziyaretke orunlashturghan

Washin'gtondin muxbirimiz irade teyyarlidi
2023.07.06

Xitay hökümiti Uyghur élida yürgüzüwatqan irqiy qirghinchiliqi we insaniyetke qarshi jinayetlirini yoshurushni meqset qilghan teshwiqat heriketlirini dawamlashturuwatqanliqi melum. “Xitay xewerler tori” tarqatqan bir xewerdin qarighanda, xitay da'iriliri yéqinda qazaqistanliq axbaratchilardin terkib tapqan bir axbarat wekiller ömikini Uyghur élige teklip qilghan. Ular 28-iyundin 4-iyul künigiche qeshqer wilayitide ziyarette bolghan.

“Xitay xewerler tori” bu heqtiki xewiride, qazaqistandin kelgen muxbirlarning “Qeshqerdiki qedimki imaretler, köz qamashturidighan qol hüner-sen'et buyumliri we her xil yerlik nazu-németlerge heyran qélishqanliqini؛ qeshqer xelqining bextlik turmush kechürüwatqanliqini chongqur hés qilghanliqi” ni bayan qilghan.

“Xitay xewerler tori” tarqatqan bu xewerde, qazaqistandin kelgen muxbirlarning “Qeshqerde qedimiy binakarliq örnekliri, qol-hünerwenchilik, gheyriy maddiy medeniyet yadikarliqliri intayin yaxshi qoghdiliptu, men buni dölitimizdiki tamashibinlargha anglitip, ulargha qeshqerning özgiche jelp qilish küchini tonushturimen” dégenliki ilgiri sürülgen.

Xitay hökümiti Uyghur élida 2017-yilidin bashlap keng kölemlik tutqun we lagér tüzümini yolgha qoyup, xelq'arada küchlük tenqidke duch kelgen idi. Buning netijiside xitay mushu xildiki teshwiqat xaraktérlik ziyaret pa'aliyetlirini orunlashturup, dunyani aldashqa bashlighan idi. Halbuki, xitayning bundaq saxta teshwiqat heriketliri, démokratik dunyani aldiyalmayla qalmastin, belki xelq'ara jem'iyetning téximu küchlük eyibleshlirige uchrimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.