Қазақистанниң ташқи қәрзи 168 милярд долларға өскән

Мухбиримиз үмидвар
2017-11-26
Елхәт
Пикир
Share
Принт

Оттура асия районидики иқтисадий тәрәққияти әң тез кетиватқан қазақистанниң ташқи қәрзи давамлиқ өсүп, 168 милярд америка доллириға йәткән.

Қазақистанниң «закона.Кз» торида елан қилинған бу һәқтики тәпсилатта ейтилишичә, бу йил 7-айда қазақистанниң ташқи қәрзи тез көпийип 168 милярд долларға йәткән болуп, буниң ичидә 13. 2 Милярд доллар қазақистан һөкүмәт саһәсиниң ташқи қәрзи болуп, қалғанлири, банка, ширкәт вә башқиларға мәнсуп икән. Әмма, қазақистанниң ташқи қәрзлири, 2014-йили, 2015-йилидикигә қариғанда тез өскән икән болуп, қазақистанниң хитайға боғулған қәрзила йәттә һәссә ашқан икән. 

Русийәниң «регнум тори» да елан қилинған лаззат шибутованиң бу һәқтики мақалисидә көрситилишичә, 2017-йилиниң биринчи чарикидә, қазақистан ташқи қәрзи 165 милярд болған иди. Қазақистанниң хитайға боғулған қәрзиму көпийип йәттә һәссә ашқан вә хитайниң қазақистан қәрз төләшкә тегишлик орни төтинчигә өткән. Бирақ, қазақистан қәрзгә әң коп боғулған дөләтләр ичидә голландийә биринчи, америка қошма штатлири иккинчи, әнглийә үчинчи орунни игиләйдикән. Қазақистанниң хитайға төләшкә тегишлик қәрзи 12 милярд 180 милйон долларға йәткән болуп, көплигән иқтисадшунаслар вә өктичиләр хитай қәрзиниң тез өсүшидин әндишә қилмақта икән.

Қазақистанниң кона иттипақчиси болған русийәниң қазақистанни қәрздар қилиш орни төвәнләп, йәттинчи орунға чүшүп қалған болуп, бу риқабәттә русийә хитайниң көп арқисида қалған.

Пикирләр (0)
Share
Толуқ бәт