Qumulning barköl nahiyeside buningdin 3300 yil burunqi bir qedimiy öyning izi bayqalghan

Muxbirimiz erkin
2021-01-04
Share

Yéqinda xitay arxé'ologliri qumulning barköl nahiyeside arxé'ologiyelik qézish élip bérip, buningdin 3300 yil burunqi bir qedimi öyning izini bayqighan. 1240 Kwadrat métirliq bu oy 12 éghiz xane, bir méhman kütüsh öyi we bir qaznaqtin terkib tapqaniken. Shinxu'a agéntliqining xewer qilishiche, bu orunda xitay gherbiy-shimal uniwérsitétining arxé'ologi rén ming bashchiliqidiki arxé'ologiye etriti qézish élip barghan bolup, rén ming bu öyning az dégende 3 qétim rémont qilinip, ishlitilgenliki we axirida tashlap qoyulghanliqini ilgiri sürgen.

Uning qarishiche, bu öy tunji qétim texminen miladidin burunqi 1300 yildin 1100 yilghiche, 2-qétim miladidin burunqi 1100 yildin miladidin burunqi 900 yilghiche ishlitilgeniken. Arxé'ologlar öyning ashxanisidin tépilghan ochaq, orek, sapal qachigha élin'ghan arpa qatarliq buyumlarni we öyning qurulmisini analiz qilish arqiliq ambar, méhmanxana qatarliqlarning ornini békitip chiqqan. Xitay arxé'ologlirining bildürüshiche, bu öy barköl kölining boyigha jaylashqaniken.

Tarixchilarning qarishiche barköl Uyghurlarning ejdadliri eng burun makanlashqan yurtlarning biri bolsimu, lékin xewerde bu öyning qaysi xelqlerge te'elluq ikenliki tilgha élinmighan. Xitay hökümiti 2017-yildin bashlap milyonlighan Uyghur we bashqa yerlik türkiy xelqlerni lagérlargha qamash bilen bir waqitta, Uyghur medeniyiti we tarixinimu inkar qilishqa bashlighan. Arxé'ologiyening "Shinjang ezeldin tartip xitayning birqismi" dégen teshwiqat üchün xizmet qilishini telep qilghan. Xitay arxé'ologlirining éytishiche, bu öy barkölning hawa kilimatidiki özgirish seweblik miladidin 800 yil burun tashlinip qalghaniken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet