Америка қәләмкәшләр җәмийити: “рәшидә давутниң қамақ җазаси хитайниң уйғур мәдәнийитини йоқитиш урунушиниң бир парчиси”

Мухбиримиз әркин
2020-03-27
Share

Америка қәләмкәшләр җәмийити 27-март күни хитай даирилириниң атақлиқ нахшичи рәшидә давутни қамаққа һөкүм қилғанлиқини тәнқидләп, хитайниң бу һәрикитиниң уйғур мәдәнийитини йоқитиш урунушиниң бир парчиси икәнликини илгири сүрди. Радийомиз йеқинда рәшидә давут ханимниң мәхпий сотлинип, 15 кесиветилгәнликини дәлиллигән. Хитайниң бу қилмиши хәлқарада қаттиқ ғулғула қозғиған иди.

Америка қәләмкәшләр җәмийитиниң баянатида: “әл сөйгән нахшичи рәшидә давутниң ‛бөлгүнчилик‚ билән мәхпий һалда 15 йиллиқ кесиветилиши хитай һөкүмитиниң уйғур вә башқа аз санлиқ милләтләрниң мәдәнийәт ипадисини йоқитиштики йәнә бир паракәндичилик вә әйиблинишкә тегишлик урунушидур,” дейилгән. Баянатта рәшидә давут өткән йилниң ахирлирида кесиветилгән болсиму, лекин буниң әмди ашкариланғанлиқи, бу хил мәхпий сотлашқа даир учурларниң кечикип ашкарилинишиниң мәзкур районға хас көп учрайдиған һадисә икәнлики тәкитләнгән.

Баянатта йәнә америка қәләмкәшләр җәмийитиниң хәтәр ичидики сәнәтчиләр ишлириға мәсул директори җулия треболтниң сөз нәқил кәлтүрүлүп, мундақ дейилгән: “гәрчә биз рәшидә давутниң немә үчүн кесилгәнлики яки униң 1-сотта сотланғанлиқи һәққидики тәпсилатларни ениқ болмисиму, лекин әмәлийәт шуки, рәшидә давут хитай даирилириниң атақлиқ уйғурларни системилиқ җимиқтуруш урунушиниң йәнә бир қурбаниға айланди.”

Рәшидә давут уйғур аптоном районлуқ муқам ансамбилиниң әзаси болуп, у өзиниң дадил нахшилири, ишлигән нурғун пиластинкилири билән әлниң қизғин сөйүшигә еришкән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт