Amérika qelemkeshler jem'iyiti: “Reshide dawutning qamaq jazasi xitayning Uyghur medeniyitini yoqitish urunushining bir parchisi”

Muxbirimiz erkin
2020-03-27
Share

Amérika qelemkeshler jem'iyiti 27-mart küni xitay da'irilirining ataqliq naxshichi reshide dawutni qamaqqa höküm qilghanliqini tenqidlep, xitayning bu herikitining Uyghur medeniyitini yoqitish urunushining bir parchisi ikenlikini ilgiri sürdi. Radiyomiz yéqinda reshide dawut xanimning mexpiy sotlinip, 15 késiwétilgenlikini delilligen. Xitayning bu qilmishi xelq'arada qattiq ghulghula qozghighan idi.

Amérika qelemkeshler jem'iyitining bayanatida: “El söygen naxshichi reshide dawutning ‛bölgünchilik‚ bilen mexpiy halda 15 yilliq késiwétilishi xitay hökümitining Uyghur we bashqa az sanliq milletlerning medeniyet ipadisini yoqitishtiki yene bir parakendichilik we eyiblinishke tégishlik urunushidur,” déyilgen. Bayanatta reshide dawut ötken yilning axirlirida késiwétilgen bolsimu, lékin buning emdi ashkarilan'ghanliqi, bu xil mexpiy sotlashqa da'ir uchurlarning kéchikip ashkarilinishining mezkur rayon'gha xas köp uchraydighan hadise ikenliki tekitlen'gen.

Bayanatta yene amérika qelemkeshler jem'iyitining xeter ichidiki sen'etchiler ishlirigha mes'ul diréktori juliya tréboltning söz neqil keltürülüp, mundaq déyilgen: “Gerche biz reshide dawutning néme üchün késilgenliki yaki uning 1-sotta sotlan'ghanliqi heqqidiki tepsilatlarni éniq bolmisimu, lékin emeliyet shuki, reshide dawut xitay da'irilirining ataqliq Uyghurlarni sistémiliq jimiqturush urunushining yene bir qurbanigha aylandi.”

Reshide dawut Uyghur aptonom rayonluq muqam ansambilining ezasi bolup, u özining dadil naxshiliri, ishligen nurghun pilastinkiliri bilen elning qizghin söyüshige érishken idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet