Хәлқара қәләмкәшләр җәмийити тутқундики уйғур шаири чимәнгүл ават үчүн чақириқ елан қилди

Мухбиримиз әркин
2020.11.13

Хәлқара қәләмкәшләр җәмийити 9-ноябир тутқундики йетүк уйғур шаири чимәнгүл авут һәққидә чақириқ елан қилған. язғучиларниң мәзкур хәлқара тәшкилати чақириқида, кишиләрни “2020-йиллиқ түрмидики язғучилар күни чимәнгүл авут үчүн һәрикәткә өтүшкә” чақирған. Чимәнгүл авут қәшқәр уйғур нәшриятиниң тәһрири болуп, 2018-йили 7-айда мәзкур нәшриятниң чимәнгүл авутни өз ичигә алған 13 нәпәр хадими бирақла тутқун қилинған.

Чимәнгүл авутниң атақлиқ язғучи халидә исраилниң “алтун кәш” намлиқ романини тәһрирлигәнлики сәвәблик тутқун қилинип, “қайта тәрбийәләш лагери” ға елип кетилгәнлики илгири сүрүлгәниди. Хәлқара қәләмкәшләр җәмийити чақириқида, “қайта-тәбийәләш лагерлири” ниң қанунсиз икәнлики, чимәнгүл авутқа сот тәрипидин һечқандақ һөкүм елан қилинмиғанлиқи, униң саламәтлик әһвали вә һазирқи һалитиниң мәлум әмәслики, “чимәнгүл авутниң җазалинишини униң ипадә әркинликигә қилинған ениқ бузғунчилиқ” дәп қарайдиғанлиқи, “уни дәрһал вә шәртсиз қоюп беришкә чақириғанлиқи” тәкитләнгән.

Хәлқара қәләмкәшләр җәмийити кишиләрни хитайниң ши җиңпиң, чен чүәнго қатарлиқ әмәлдарлириға, униң б д т дики вәкиллиригә хәт йезип, чимәнгүл авутниң һазирқи әһвалини ашкарилиши, униң әһвалини мустәқил ениқлашқа йол қоюш һәм униң хизмәтдашлирини дәрһал вә шәртсиз қоюп беришни тәләп қилишқа чақирған. Чимәнгүл авут йетүк уйғур шаирлириниң бири болуп, униң шеирлар топлими 2008-йили хитайниң мәмликәтлик “тулпар” әдәбият мукапатиға еришкәниди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.