Xoten shehiride 5000 kishilik qesem bérish yighini échilghan
22-May küni xoten shehiridiki ittipaq meydanida 5000 kishilik “Esebiylikke qarshi turush, ikki yüzlimichilerni tartip chiqirish, muqimliqqa kapaletlik qilip, tereqqiyatni ilgiri sürüsh” namliq seperwer qilish yighini échilghan.
Xoten gézitining xewiridin qarighanda, bu yighin'gha xoten shehiridiki ishchi-kadir we xelq ammisidin bolup, 5000 etrapida kishi qatnashqan we xoten waliysi éziz musaning yétekchilikide “Partiyining sözini anglash, partiyidin minnetdar bolush, partiyege egiship méngip, muqimliqqa kapaletlik qilish” heqqide qesem bérip, imza qoyghan.
Melum bolushiche, yuqiriki bu “Esebiylikke qarshi turush, ikki yüzlimichilerni tartip chiqirish, muqimliqqa kapaletlik qilip, tereqqiyatni ilgiri sürüsh” namliq seperwer qilish yighinini 22-maydin 29-mayghiche bolghan ariliqta xotendiki 7 nahiye bir sheherde birdek ötküzülidiken.
Xoten wilayiti kadirlar arisidiki “Ikki yüzlimichilerni tazilash” herikitimu qattiq élip bériliwatqan jaylarning biri bolup, yéqinda xoten wilayetlik partkom mexsus mushundaq kadirlarni charlap tekshürüsh guruppilirini herqaysi yézilargha ewetken, xoten boyiche hazirghiche 600 din oshuq kadir “Ikki yüzlimichilik” bilen bir terep qilin'ghan idi.
Aldinqi küni yene, Uyghur élining herqaysi jayliridiki teshwiqat, axbarat-neshriyatchiliq sahesidiki 100 neper rehbiri kadir “Idé'ologiye sahesidiki bölgünchilikke qarshi turush” birleshme wedinamisi élan qilghan. Közetküchiler, Uyghur élida chén chüen'go partkom sékrétari bolghandin buyan élip bériliwatqan partiyege sadaqitini ipadilesh heriketlirining “Medeniyet inqilabi” mezgilinimu bésip chüshkenlikini bildürüshmekte.
- Bextiyar böre: “Men Uyghur, men térrorchi emes, irqiy qirghinchiliqni toxtat”
- Amérika Uyghur akadémiyesining 3-nöwetlik saylimida aldinqi xizmetler xulasilinip yéngi pilanlar otturigha qoyuldi
- Gülistan eziz: “Ikkinchi wetinim-yaponiyeni xitay tehtididin agahlandurush we qoghdash méning burchum”
- Nuri türkel: “Méning komissarliq xizmitim bolsun we yaki hazirqi re'islik xizmitim bolsun hemmisi asasliq Uyghurlarning xizmitini qilishni merkez qilghan”
- D u q pütün dunyadiki Uyghurlarni “5-Iyul ürümchi qirghinchiliqi” ning 13 yilliqini xatirileshke chaqirdi
